பிள்ளை மொழி

 மயிலாட முகிலொன்று மழையானது - உன் 

மழலைப்பேச்சில்  என் இதயம் தான் மெழுகானது.

மணிமாலை உன் பல்லானது 

விண்மீன் உன் விழியானது 

வானவில்லாய் வந்த என் வண்ணமே 

கவிதையாய் ஒலித்த  என் எண்ணமே - நீ 

பகலில் குளிர் தரும் வெண்ணிலவோ, இல்லை 

இரவில்  ஒளியாய்  மின்னும் சூரியனோ  - என் மயிலாட...

மென்மலரே உன் மெய்யானது 

செந்தேன் உந்தன் மொழியானது 

கற்பனையில் வளரும் சிறு காவியமே 

மடியில் தவழும் நிஜ ஓவியமே- என் 

விழியில் ததும்பும் கண்ணீர் துளியோ, அல்லது 

இதழில் மலர்ந்த என் புன்னகையோ - என் மயிலாட...